| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 21.80 | Dem. 21.84 (English) | >>Dem. 21.87 |
21.82ὡς οὖν ταῦτʼ ἀληθῆ λέγω , κάλει μοι τούτων τοὺς μάρτυρας , ἵνʼ εἰδῆθʼ ὅτι , πρὶν κατὰ τοὺς νόμους δίκην ὧν πρότερον ἠδικήθην λαβεῖν , πάλιν τοιαῦθʼ οἷʼ ἀκηκόαθʼ ὕβρισμαι .ὃ τοίνυν πεποίηκεν , ὦ ἄνδρες Ἀθηναῖοι , περὶ τῆς δίκης , ἀκούσατε , καὶ θεωρεῖτʼ ἐφʼ ἑκάστου τὴν ὕβριν καὶ τὴν ὑπερηφανίαν αὐτοῦ . τῆς γὰρ δίκης , ταύτης λέγω ἧς εἷλον αὐτόν , γίγνεταί μοι διαιτητὴς Στράτων Φαληρεύς , ἄνθρωπος πένης μέν τις καὶ ἀπράγμων , ἄλλως δʼ οὐ πονηρός , ἀλλὰ καὶ πάνυ χρηστός · ὅπερ τὸν ταλαίπωρον οὐκ ὀρθῶς οὐδὲ δικαίως , ἀλλὰ καὶ πάνυ αἰσχρῶς ἀπολώλεκεν .
21.84οὗτος διαιτῶν ἡμῖν ὁ Στράτων , ἐπειδή ποθʼ ἧκεν ἡ κυρία , πάντα δʼ ἤδη διεξεληλύθει ταῦτα τἀκ τῶν νόμων , ὑπωμοσίαι καὶ παραγραφαί , καὶ οὐδὲν ἔτʼ ἦν ὑπόλοιπον , τὸ μὲν πρῶτον ἐπισχεῖν ἐδεῖτό μου τὴν δίαιταν , ἔπειτʼ εἰς τὴν ὑστεραίαν ἀναβαλέσθαι · τὸ τελευταῖον δʼ , ὡς οὔτʼ ἐγὼ συνεχώρουν οὔθʼ οὗτος ἀπήντα , τῆς δʼ ὥρας ἐγίγνετʼ ὀψέ , κατεδιῄτησεν .
Μαρτυρία
Καλλισθένης Σφήττιος ,Διόγνητος Θορίκιος ,Μνησίθεος Ἀλωπεκῆθεν ,οἴδαμεν Δημοσθένην ,ᾧ μαρτυροῦμεν ,κρίσιν λελογχότα Μειδίᾳ ἐξούλης ,τῷ καὶ νῦν ὑπʼ αὐτοῦ κρινομένῳ δημοσίᾳ ,καὶ ἤδη τῇ κρίσει ἐκείνῃ διαγεγονότα ἔτη ὀκτώ ,καὶ τοῦ χρόνου γεγενημένον παντὸς αἴτιον Μειδίαν ἀεὶ προφασιζόμενον καὶ ἀναβαλλόμενον .
21.83
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 21.80 | Dem. 21.84 (English) | >>Dem. 21.87 |
